Strilaringen biletgalleri

Mange i Strilaringen vil nok meine at  Azorene er det mest eksotiske reisemål/festival me har delteke på! 34 nordmenn var med. Leif Egil Vatnøy var  instruktør og Gro Vetås og Arve Berg var spelemenn. Opningsseremonien med opptog i hovudgata og masse publikum, sette standarden. Folk hadde dekorert balkongane med fargerike teppe, og det var ei fantastisk stemning. I løpet av veka var det mange fine framsyningar ulike stader på øya Terceira. Bu-forholda til festivaldeltakarane var så som så. . .  Det var innkvartering på sovesalar(klasserom) på ein skule, der me måtte dela bad og toalett med 200 andre. Festivalveka baud elles på mange fine turar og opplevingar. Mellom anna såg me tyrefekting, me bada på vulkanstrand og me besøkte varme kjelder. Avslutningaframsyninga på ein fullsett tyrefektararena var toppen av kransekaka. Alle dei deltakande gruppene viste sine program. I tillegg representerte Leif Egil Vatnøy og Oddrun E. Larsen Strilaringen i eit fantastisk fellesnummer for alle deltakargruppene.