Leif Egil - Takk for gode danseminner!
- Detaljer
- Av Strilaringen
- Treff: 2651
Tenk deg ein stor, tidlegare tyrefektararena på Asorene, midt uti Atlanteren, med sitjeplass til 5000 menneske. På sjølve arenaen er det bygd opp ein stor scene. På denne framfører eit titals ulike folkedansgrupper, frå heile verda, dansane sine. Den eine gruppa avløyser den andre, den eine meir fargerik og fengjande enn den andre, kastanjettar og svingande skjørt akkompanjert av kraftige gitarar vert avløyst av trommer og bastskjørt.
Strilaringen kjem også inn, ein kontrast til dei andre? Kanskje… inntil Leif Egil kjem inn på scena.
Han dansar springar med Jorunn. Med kraft, høge sprang, slag på tå og hel, smilet sitt, sjarmen, flørten og energien sin let han publikum få oppleva norsk folkedans på sitt beste. Og dei klappar, er betatt og begeistra. Me andre kjenner oss stolte over det som vert presentert!
Leif Egil har følgd Strilaringen sidan oppstarten i 1976. Han har tidvis vore fast instruktør, han har vore med oss med jamne og ujamne mellomrom for å førebu oss til ulike framsyningar til festivalar me har tatt del i. Han har hatt kurs med oss, følgt oss på turar rundt i verda, vore den kunstneriske leiaran vår, han har vore ein av oss.
Gjennom alle desse åra har dansegleda og songgleda hans smitta over på oss, det har vore pols, halling, springar og… tango. Det har vore tostemt og trestemt song, ikkje alltid like lett å få tonane til å sitja der dei skulle, heller ikkje appellane. Likevel, smilet, humoren og latteren sat alltid like laust.
Slik han gjorde det på Asorene i 2009 dansa han, under første heimefestivalen vår i 1979, springar på opningsforestillinga på Lindås. Han vart ”førsteside ” i Strilen sin Kalender året etter.
Slik dansa han også springar i mai i fjor, med Berit denne gongen, då me alle vart invitert til Strilatun til konsertprogrammet han hadde laga i samband med 60-års dagen. Også denne gongen med kraft, høge sprang, slag på tå og hel, smilet sitt, sjarmen, flørten og energien. Berre at denne gongen vart det ekstra sterkt å få oppleva norsk folkedans på sitt beste …
Heldige oss som fekk vera med Leif Egil og fekk ta del i energien, inspirasjonen, dansen, songen , kunstnaren og krafta.
Me lyser fred over Leif Egil sitt minne.
Video frå springaren Leif Egil dansa på Azorene i 2009.
Dansevener i Strilaringen.
DANSEKVELD
- Detaljer
- Av Strilaringen
- Treff: 2648
Er de klare? De er VELDIG velkomne!
Trykk for: pdf-plakat.
R S
A T
D R
Ø I
Y L
B A
+ + DEG = ? ? ?
Æ R
L I
J N
E G
N E
N
Svaret finn du nedanfor!
DANSESAMLING - alder: 10 år og oppover
- Detaljer
- Av Strilaringen
- Treff: 2204
Trykk for større bilete.
Folkedans i framgang?
- Detaljer
- Av Strilaringen
- Treff: 1936
Folkemusikk har dei seinare åra vore i medvind!
FOLKEDANS er då eit heilt naturleg framhald!
Sjå videoen "Bygda Dansar" på YouTube!
Etter å ha sett denne videoen - om du er ung eller eldre - vil du tenkje (kanskje?): No er det på tide å finne fram danseskoa. God trim er det også!
Sjå også heimesida til Bygda Dansar. ♣
Øvingshelg på Osterøy
- Detaljer
- Av Strilaringen
- Treff: 2120
Lørdag 7. mars møttest 20 medl. i STRILARINGEN til øvingshelg på Fjordslottet Hotell på Osterøy.
Hotellet ligg ved Osterfjorden i tettstaden Fotlandsvåg, 1 times køyring frå Bergen. Fjordslottet er eit gamalt herskapleg hotell. Det vart bygd i 1851 som direktørbustad til Fotlandsvåg Bomullspinneri og seinare ombygd til hotell.
Det vart ei spanande øvingshelg! Me trente på eit nytt danseprogram som skal nyttast ved fleire høve dette året, både heime og i utlandet!
Bilete frå øvingshelga finn du i: Biletgalleri (hovudmenyen)
Me vil ikkje røpa så mykje no, men kan seia at denne gongen ”blandar” me inn dans som du sjeldan – kanskje aldri – har sett i eit folkedansprogram!
Folkedans for internasjonale studentar
- Detaljer
- Av Strilaringen
- Treff: 1984
Onsdag 18/2-2015 reiste Strilaringen til byd`n, til Fantoft studentby.
Me hadde fått danseoppdrag hjå SIB, Studentsamsskipnaden i Bergen. Arrangementet hadde dei kalla TYPISK NORSK. Strilaringen sitt bidrag skulle vera å dansa nokre klassiske folkedansar, både for og med internasjonale studentar i Bergen.
I det me steig inn i gangen, kjende me lukta av skikkeleg god norsk lapskaus! Frå salen innafor: stemmesurr og latter frå mange unge menneske, blanda med høg musikk! Gjennom døra såg ein at det vart flytta rundt på bord, stolar og lapskausskåler - det laga seg etter kvart eit ope rom midt i lokalet. Så vart Strilaringen presentert og me var i gang med framsyninga! Arve spelte på fela si og eit godt anlegg bar lyden kring i det store rommet. God stemning, blitzing og god, varm applaus etter kvar av dei 10 song- og musikkdansane i programmet vårt. (Biletet ovanfor: Kørsdans) Etterpå baud me opp til fellesdansar.
Sjå også Biletgalleri: 2015 Fantoft
Han skal leia STRILARINGEN i 2015
- Detaljer
- Av Strilaringen
- Treff: 1979
Dag Unnar Mongstad vart vald til leiar på årsmøtet 26. januar 2015. Dette vert 3. året hans som leiar i Strilaringen.
- Gratulerer med valet! Strilaringen vart stifta i 1976. Etter det eg har fretta var du på di fyrste øving i ”ringen” allereie i 1977 .
Kva vil du kort seie om aktiviteten til folkedansgruppa den gongen ?
- Dei eldste den gongen var under 40 og dei yngste hadde ikkje fylt 20. Dei fleste var aktive i sine lokale ungdomslag i tillegg til deltakinga i Strilaringen. Folkedansen hadde ei blomstringstid. Strilaringen var eit tilbod for dei som ville arbeida meir med dansen og som yngste å reisa på internasjonale folkedansfestivalar.
- Kva vil du dra fram som høgdepunkt i den tidlege tida du var med i folkedansgruppa?
- Strilaringen var i England på festival i 1977, året etter at dei vart stifta. I 1978 deltok me på festival i Tyskland. På denne festivalen fekk ein motivasjon til å starta planlegging av Folkedansfestival i Nordhordland. Denne festivalen vart gjennomført i 1979 med eit hundretals gjestar frå 4 land, alle privat innkvartert.
- Korleis vart Strilaringen møtt av lokale ungdomslag i Nordhordland?
- Det var ikkje alle i ungdomslaga som var einige i stiftinga av Strilaringen. Dei var redd dette skulle øydeleggja for dansinga i lokallaga. Men i dag kan me nok slå fast at utan Strilaringen ville folkedansen vore ganske borte i vårt distrikt i dag.
Innkalling til årsmøte
- Detaljer
- Av Strilaringen
- Treff: 1843
Årsmøte i Strilaringen vert den 26.januar kl 1900 i ungdomshuset Dalheim på Hundvin.
Saker ein ynskjer å ta opp på årsmøtet må vera styret i hende innan 13.januar.
Den formelle innkallinga finn ein på medlemsida / medlemsnett.
Kva skjer?
| 11 sep 2023; @19:00 - @21:00 Øvingskveld |
| 18 sep 2023; @19:00 - @21:00 ØVINGSKVELD |
| 25 sep 2023; @19:00 - @21:00 ØVINGSKVELD |