Onsdag 18/2-2015 reiste Strilaringen til byd`n, til Fantoft studentby.
Me hadde fått danseoppdrag hjå SIB, Studentsamsskipnaden i Bergen. Arrangementet hadde dei kalla TYPISK NORSK. Strilaringen sitt bidrag skulle vera å dansa nokre klassiske folkedansar, både for og med internasjonale studentar i Bergen.
I det me steig inn i gangen, kjende me lukta av skikkeleg god norsk lapskaus! Frå salen innafor: stemmesurr og latter frå mange unge menneske, blanda med høg musikk! Gjennom døra såg ein at det vart flytta rundt på bord, stolar og lapskausskåler - det laga seg etter kvart eit ope rom midt i lokalet. Så vart Strilaringen presentert og me var i gang med framsyninga! Arve spelte på fela si og eit godt anlegg bar lyden kring i det store rommet. God stemning, blitzing og god, varm applaus etter kvar av dei 10 song- og musikkdansane i programmet vårt. (Biletet ovanfor: Kørsdans) Etterpå baud me opp til fellesdansar.
Sjå også Biletgalleri: 2015 Fantoft
Dag Unnar Mongstad vart vald til leiar på årsmøtet 26. januar 2015. Dette vert 3. året hans som leiar i Strilaringen.
- Gratulerer med valet! Strilaringen vart stifta i 1976. Etter det eg har fretta var du på di fyrste øving i ”ringen” allereie i 1977 .
Kva vil du kort seie om aktiviteten til folkedansgruppa den gongen ?
- Dei eldste den gongen var under 40 og dei yngste hadde ikkje fylt 20. Dei fleste var aktive i sine lokale ungdomslag i tillegg til deltakinga i Strilaringen. Folkedansen hadde ei blomstringstid. Strilaringen var eit tilbod for dei som ville arbeida meir med dansen og som yngste å reisa på internasjonale folkedansfestivalar.
- Kva vil du dra fram som høgdepunkt i den tidlege tida du var med i folkedansgruppa?
- Strilaringen var i England på festival i 1977, året etter at dei vart stifta. I 1978 deltok me på festival i Tyskland. På denne festivalen fekk ein motivasjon til å starta planlegging av Folkedansfestival i Nordhordland. Denne festivalen vart gjennomført i 1979 med eit hundretals gjestar frå 4 land, alle privat innkvartert.
- Korleis vart Strilaringen møtt av lokale ungdomslag i Nordhordland?
- Det var ikkje alle i ungdomslaga som var einige i stiftinga av Strilaringen. Dei var redd dette skulle øydeleggja for dansinga i lokallaga. Men i dag kan me nok slå fast at utan Strilaringen ville folkedansen vore ganske borte i vårt distrikt i dag.
Prøver å laste opp Pdf - dokument +lage lenke til dette.
Lenke til PDF-dokument
Årsmøte i Strilaringen vert den 26.januar kl 1900 i ungdomshuset Dalheim på Hundvin.
Saker ein ynskjer å ta opp på årsmøtet må vera styret i hende innan 13.januar.
Den formelle innkallinga finn ein på medlemsida / medlemsnett.
ps
Første øving i 2015 er mandag 5.januar kl 19.
Informasjon om vårprogram, øvingshelg og tur til Polen finn ein på medlemssida.
ds
![]() |
![]() |
![]() |
![]() |
2014 er snart over. Då er det fint å avslutta året med litt mimring med bilder og filmglimt.
Kjem du mandag 15.desember kan du vera med på eit lite dykk i arkivet frå 2014.
![]() |
![]() |
![]() |
![]() |
2014 er snart over. Då er det fint å avslutta året med litt mimring med bilder og filmglimt.
Kjem du mandag 15.desember kan du vera med på eit lite dykk i arkivet frå 2014.
Det nærmar seg jul. Då kan det vera fint å roa ned litt og få litt påfyll med julekveldsviser.
Gå derfor ikkje glipp av framsyningane til Lindås ungdomslag i Haugatun " Julekveldsviser".
Heile plakaten vert lasta ned ved å klikke på bilde. Ser du godt etter vil du kanskje kjenna igjen nokon av dei som er på plakatet.
Framsyningar 3., 7 og 10. desember
Vi har i kveld vore og sett framsyninga til Lindås Ungdomslag - Utruleg bra!! Vil du koma i julesteming, er dette framsyninga du skal gå på!
Strilaringen har framsyning denne kvelden.
18 sep 2023; @19:00 - @21:00 ØVINGSKVELD |
25 sep 2023; @19:00 - @21:00 ØVINGSKVELD |
16 okt 2023; @17:00 - Framsyning Austrheim Aldersheim |
23 okt 2023; @19:00 - @21:00 Øvingskveld |
13 nov 2023; @19:00 - @21:00 Øvingskveld |
20 nov 2023; @19:00 - @21:00 Øvingskveld |
27 nov 2023; @19:00 - @21:00 Øvingskveld |
04 des 2023; @19:00 - @21:00 Øvingskveld |
11 des 2023; @19:00 - @21:00 Juleavslutning med litt dans og kaffi og noko godt attåt |